Ligji që përçau mazhorancën dy ditë më parë ishte sërish ai i kamerave të sigurisë ose i ashtëquajturi ligj për “masat shtesë të sigurisë”.
Ky draft detyron një sërë biznesesh në kushte të caktuara që të instalojnë kamera sigure specifike në mënyrë që çdo detaj i punës së tyre, për efekte sigurie të jetë i regjistruar.
Sipas ligjit që u rrëzua nga Presidenti Bujar Nishani dhe që u kundërshtua nga dy aleatët e PS-së në qeverisje, LSI-ja dhe PDIU-ja, me kamera sigurie duhet të pajisen:
- a) subjektet që kanë selinë e mjediset e punës dhe ushtrojnë aktivitetin tregtar në vende të
ekspozuara ndaj rrezikut të shtuar për sigurinë, sipas vlerësimit të analizës së rrezikut të bërë
nga Policia e Shtetit;
- b) subjektet që kanë mbi 50 punonjës dhe/ose frekuentues, të cilët, në mënyrë të
vazhdueshme, akomodohen apo frekuentojnë në të njëjtën kohë një mjedis të hapur ose të
mbyllur;
- c) subjektet që ushtrojnë aktivitet tregtar nga ora 2300 deri në 600;
ç) subjektet që kanë aktivitet ekonomik, xhiroja vjetore e së cilës është mbi 10 milionë
lekë;
- d) subjektet që ushtrojnë veprimtari në fushën e lojërave të fatit;
- dh) subjektet që administrojnë mjedise të hapura apo të mbyllura për fëmijë, si: shkolla,
kënde lojërash dhe që vlerësohen nga Policia e Shtetit si burim rreziku i shtuar;
- e) subjektet që kryejnë veprimtari të transportit publik për udhëtarët, nxënësit, studentët,
si dhe transport të vlerave monetare dhe të mallrave të rrezikshme.
ga Policia e Shtetit;
- b) subjektet që kanë mbi 50 punonjës dhe/ose frekuentues, të cilët, në mënyrë të
vazhdueshme, akomodohen apo frekuentojnë në të njëjtën kohë një mjedis të hapur ose të
mbyllur;
- c) subjektet që ushtrojnë aktivitet tregtar nga ora 2300 deri në 600;
ç) subjektet që kanë aktivitet ekonomik, xhiroja vjetore e së cilës është mbi 10 milionë
lekë;
- d) subjektet që ushtrojnë veprimtari në fushën e lojërave të fatit;
- dh) subjektet që administrojnë mjedise të hapura apo të mbyllura për fëmijë, si: shkolla,
kënde lojërash dhe që vlerësohen nga Policia e Shtetit si burim rreziku i shtuar;
- e) subjektet që kryejnë veprimtari të transportit publik për udhëtarët, nxënësit, studentët,
si dhe transport të vlerave monetare dhe të mallrave të rrezikshme”.
Pra po ta shohësh hollë-hollë, ky ligj nuk bën gjë tjetër, por krijon premisat për parandalim apo kontroll më të filmuar të veprimtarive delikate në vend, ku zakonisht janë të kërcënuar nga krimi.
Një ligj që në detaje ka depërtim në privacinë e shumë subjekteve private apo qytetarë të thjeshtë, por gjithsesi është një model i masave të sigurisë që merren në Europë dhe SHBA vitet e fundit.
Por kundërshtimi që i është bërë këtij ligji nga faktorë të rëndësishëm në vend është vërtetë i fortë.
Burime në komisionin e Sigurisë Kombëtare të Kuvendit theksuan se ka të dhëna që shërbime të vendeve fqinje kanë kundërshtuar fuqishëm miratimin e këtij ligji, duke përdorur në këtë rast edhe njerëzit e rëndësishëm të biznesit në Shqipëri, të cilat ata i kanë emëruar.
Bëhet fjalë për kompani shumë të rëndësishme, të cilët merren me importe-eksporte dhe kontrollojnë qarkullimin e miliarda eurove në vit.
Këto kompani janë ngritur që në fillim nga shërbimet sekrete të vendeve fqinje, të cilat me këtë veprimtari biznesi kanë financuar të gjithë spiunazhin dhe veprimtarinë “nën tokë” kundër Shqipërisë, por edhe pagesën e informatorëve të rëndësishëm në rangje të larta të pushtetit dhe politikës shqiptare.
Pjesa më e madhe e bizneseve që dyshohen si të lidhur me shërbimet e disa vendeve fqinje dhe që janë nga më të mëdhatë në vend, kanë paguar këto ditë shumë të mëdha në lobimin kundër “ligjit të kamerave” që ka propozuar ministri i Brendshëm, Saimir Tahiri.
Siç bëhet e ditur edhe më sipër, ndërmarrjet që kanë më shumë se 50 punëtorë janë të detyruar të vendosin masa shtesë sigurie.
Sipas ligjit, masat shtesë të sigurisë janë:
- a) përdorimi i sistemit të kamerave ÇTV, me rezolucion të lartë, me rreze infra të kuqe,
që ruajnë imazhet filmike në NRV/Server deri në 2 muaj;
- b) përdorimi i pajisjeve elektronike të teknologjisë së lartë për identifikimin, në funksiontë sigurisë (detektorë, ura kontrolli, reader, GPS etj.);
- c) të kryejnë, në bashkëpunim me strukturat e Policisë së Shtetit, në nivel qendror dhe
vendor, lidhjen e sinjalit të alarmit me bankat dhe objektet e rëndësisë së veçantë, me sallat e
komandimit/informacionit të Policisë së Shtetit;
ç) përdorimi i Shërbimit Privat të Sigurisë Fizike (SHPSF)”.
I gjithë ky sistem elektronik pritet që të merret në dorë nga një superkompani që kontrollohet nga qeveria e SHBA-së. Të dhëna të besueshme bëjnë të ditur se bëhet fjalë për Lokheed Martin, gjigandin amerikan të informatikës ushtarake, i cili kontrollon prej më shumë se 10 vjetësh hapësirën detare dhe ajrore nëpërmjet radarëve.
LSI-ja e ka kundërshtuar fuqishëm caktimin e një kompanie të madhe në procesin e monitorimit, duke bërë të ditur se kjo kompani do të kthehet në pol pushteti.
Burimet theksojnë se LSI po përkrah lobimin e një grupi të fuqishëm sipërmarrësish në fushën informatike, të cilët duan që të kenë të drejtë të hynë në treg për çështjen e kamerave.
Por qeveria “Rama” është treguar intrasigjente, duke bërë me dije indirekt se nuk i interesojnë oferta vendase. Ndaj, në këtë rast kanë hyrë edhe qarqe mediatike të cilat janë të lidhur me segmente të shërbimeve sekrete.
Krijimi i qarkut të mbyllur të pajisjeve moderne të vëzhgimit, krijon kushte për policinë që të bëhet një lloj “Big Brother” i pakontrollueshëm, e që mund të rrëzojë një sistem të politikës, pushtetit dhe parasë që për 20 vjet kanë pasur lidhje direkte me shërbime të vendeve fqinje. /tesheshi.com/
