Pothuajse është zbardhur misioni i izraelitit të ndaluar në Rinas, që shkaktoi bujë, por të zbehur disi nga vëmendja e përqndruar e opinionit tek ndeshjet Shqipërisë dhe Kosovës.
Siç u bë e njohur, në Rinas policia ndaloi dhe më pas ia dorëzoi prokurorisë një shtetas izraelit, të cilit iu gjet e iu sekuestrua një pajisje përgjuese.
Personaliteti i tij i dyshimtë dhe deklaratat kontradiktore për kohën e qëndrimit të Shqipëri dhe për aktivitetin e kryer, kanë sjellë dhe vënien e tij në pranga si dhe kalimin nën hetimin e prokurorisë.
Ai është Yoram Frig, një personazh i përfshirë edhe në skandalin e “Panama Papers” pak kohë më parë pasi kishte llogari of shore në Qipro.
Nga të dhënat e para u mësua izraeliti kishte dy kompani investigimi.
Pas dyshimeve se pajisja që posedonte ishte përgjuese, Prokuroria e Tiranës ka nisur menjëherë hetimet. Dyshimet e para janë hedhur mbi një lidhje të tij dhe biznesmeni shqiptar shumë të njohur, i cili është edhe pronar televizioni.
Madje ky televizion ishte ndër të vetmet që nuk e dha si lajm bllokimin e tij në Rinas.
Më qartë, Yoram Frig ka ardhur si një agjent privat në shërbim të biznesmenit, për të konstatuar me anë të aparatit të tij nëse ai përgjohej. Por jo vetëm kaq. Shërbimi do të shtrihej deri tek sallonet e politikës, aty ku dhe kohë më parë u bë një zhurmë për një përgjim të mundshëm mes palëve.
Sipas burimeve të prokurorisë, aparati që ai mbante me vete nuk është për përgjim, por për kontroll përgjimi; pasi sië thuhet, ai këtë mision e kryhen dhe për llogari të autoriteteve qeveritare izrealite.
Hetimet po ashtu kanë nxjerrë në duke faktin se pas biznesmenit të njohur qëndrojnë qarqe të fuqishme politike brenda mazhorancës, e të ngërthyer në emrin e një politikani të vetëm, të cilat kanë pasur konflikte të forta me disa emra brenda familjes qeverisëse, ku veëohen ish-ministri i Rendit, Saimir Tahiri dhe pasardhësi i tij, Fatmir Xhafaj.
Siç dihet, kohë më parë ka pasur një tentativë përgjimi në zyrën e Tahirit, por deri tani hetimi nuk është zhvilluar dhe nuk dihet nëse është pezulluar.
Ndërkohë, si biznesmeni e si politikani njihen për lidhje të afërta mes tyre, ku dhe media e të parit ndjek dhe promovon politikat e të dytit.
Yoram Frig nuk është hera e parë që viziton Shqipërinë dhe ka njohje për këtë vend. Nga verifikimet në sistemin Tims ka rezultuar se ai ka shkelur në Shqipërinë në vitin 2011, për të vijuar më pas me vizita në vitin 2014, 2015, dhe së fundi 2017.
Madje gjatë një vizite në Tiranë në vitin 2014,51-vjeçari Yoram Frig, ka postuar dhe një foto në profilin e tij në “Facebook”, ku sipas fotos mendohet se është në zonën e “Ali Demit” ose “Freskut” në kryeqytet. Kjo pasi mali i Dajtit ndodhet shumë pranë. /tesheshi.com/
