Historia e topit të futbollit është po aq e lashtë sa dhe vetë loja e futbollit. Objekti kryesor i kësaj loje magjike ka ndryshuar në periudha të ndryshme kohore. Aziatikët në kohëra të vjetra përdornin gomën, ndërsa sot ka shumë teknologji në prodhimin e një topi futbolli.
“Tesheshi.com”, ua sjell kronologjinë se si ka evoluar topi i futbollit ndër vite:
Futbolli i vjetër
Disa popuj të lashtë e kanë praktikuar lojën e futbollit në mënyra të ndryshme. Në Kinë duke luajtur me një top mbushur me lesh të kafshëve për të formuar një sferë përafërsisht të rrumbullakët. Aziatikët e tjerë kanë luajtur me një top gome, material që nxirrej nga pemët.
Futbolli në mesjetë
Lëkura e kafshëve u shndërruan në materialin kryesor për prodhimin e topit të futbollit në mesjetë. Më saktësisht lëkura e tyre e mbështjellë disa here, formonte një sferë përafërsisht të rrumbullakët.
Topi i parë i rrumbullakët
Charles Goodyar zbuloi për herë të parë në vitin 1855, materialin e gomës që do t’i jepte formën e rrumbullakët topit. Ky material gome ishte më i qëndrueshëm dhe më solid se topat paraprakë.
Standardizimi i madhësisë
Asociacioni i Futbollit Anglez në vitin 1872, standardizoi madhësinë e topit: në mes 69 dhe 71 centimetrave ishte perimetri i topit, madhësi e cila mbetet ende zyrtarisht edhe më sot.
Topi i parë i kampionatit Botëror
Në vitin 1930, Kupa e parë Botërore u luajt me topa lëkure që ishin shumë të përdorur në atë kohë. Topi përbëhej nga disa panele lëkurësh së bashku me tela mbrojtës e disa lloj tullumbacesh të brendshme.
Topi bardh e zi
Në vitin 1970, kompania e njohur Adidas futi në shërbim një top futbolli, i cili shërbeu si një mostër se cili duhej të ishte topi i vërtetë. Ai ishte i përbërë nga 32 panele, nga të cilin 20 ishin të bardha dhe 12 të zeza.
Topi modern
Adidas dhe variacionet e tij u bënë standard për topat e futbollit gjatë shumë viteve. 32 panelet tashmë ishin bashkuar në një, të ndarë me qepje. Por futja e teknologjive të reja ka çuar në ndryshimin e topit të futbollit i cili u përdor në kampionatin Botëror “Gjermania Teamgeist 2006”, duke hequr edhe 32 panelet dhe gjithashtu duke i lidhur ato me ngjitës të veçantë për një sipërfaqe më të njëtrajtshme. /tesheshi.com/
