Përfaqësues të Listës Serbe u kanë bër thirrje qytetarëve serb që të votojnë për këtë parti, ndërsa kanë shprehur bindjen se do fitojnë dhjetë mandate në Kuvend.
“Serbët kanë shumë sfida dhe duhet të tregojnë unitet e solodaritet që të dalin sa më shumë për të votuar që të jemi energjikë. Dita e sotme duhet të dëshmojë lidhjen me Serbinë, është moment serioz në të cilin ndodhemi dhe duhet të jemi unikë. Me rëndësi është që dita e sotme të kalojë e qetë, një proces i mirë. Për të tjerat jam i sigurt se me Listën Serbe do t’ju garantojmë”, ka thënë Aleksandar Spiriq, kryetar paralel i Veriut.
Kurse Ivann Simiq, kandidat për deputet nga kjo parti ka thënë se pret dalje të madhe në votime që serbët të shfrytëzojnë rastin të zgjedhin më të mirët.
“Pres fitore të Listës Serbe dhe 10 mandate se kjo e garanton qëndrimin e Serbisë në Kosovë”, ka thënë ai.
Ndërkaq kreu i Mitrovicës së Veriut, Goran Rakiq, tha se duke pasur parasysh se zgjedhjet s’janë formalitet, u bëri thirrje qytetarëve të zgjedhin kandidatët më të mirë.
“Jam i sigurt që Lista Serbe do të fitojë 10 mandate se vetëm kjo është garanci e mbijetesës së serbëve dhe Serbisë në Kosovë”, ka thënë Rakiq. /tesheshi.com/
