Subjekti i minoritet serb, Lista Serbe vazhdon t’ua bëj të qartë partive kosovare se çdo vendim që do ta marrin për formimin e institucioneve do ta bëjnë në konsultim me Beogradin.
Deputeti i zgjedhur nga Lista Serbe, Sasha Milosavleviq, ka bërë të ditur sot se ende nuk kanë vendim zyrtar se si do të votojnë më 3 gusht për kryetarin e ri të Kuvendit, apo edhe më pas për kryeministrin e Kosovës, që do të vinte nga koalicioni PDK-AAK-NISMA
Milosavleviq tha se ata presin të bisedojnë me partnerë të ndryshëm dhe atyre t’ua paraqesin kushtet, të cilat mbase do të pranoheshin nga partnerët. Ai ka pranuar se është e natyrshme që Lista Serbe të konsultohet me Beogradin.
Këto komente ai i bëri pasi u regjistrua në listën e deputetëve, të dalë nga zgjedhjet e 11 qershorit./tesheshi.com/
