Përfaqësuesi i Listës serbe për Kosovën, Goran Rakiç ka paralajmëruar se anëtarët serb të parlamentit të Kosovës pritet të marrin vendimin final në lidhje me pjesëmarrjen në zgjedhjet e parakohshme parlamentare që do të mbahen më 6 tetor.
“Pasnesër në mesnatë është afati i fundit për paraqitjen e listave, dhe unë mendoj se nesër, ne do të dalim me një pozicion përfundimtar për pjesëmarrje për zgjedhjet e parakohshme parlamentare”, tha Rakiç.
Ai po ashtu ka shpjeguar se Lista Serbe është në komunikim të vazhdueshëm me presidentin e Serbisë, Aleksandar Vuçiç.
Pranimi i direktivave nga shteti serb që ndikojnë në formimin e qeverisë së Kosovës shihet si e rrezikshme, shtuar kësaj faktin se marrjen e “bekimit” nga përtej kufirit ata e shfaqin me krenari. /tesheshi.com/
