Njeriu që vodhi çmimin Oscar të aktores amerikane, Frances McDormand do të lirohet nga burgu. Statuja u vodh nga tavolina e Governor’s Ball, ku vendosen çmimet në festën finale pas ndarjes së çmimeve.
Terry Bryant, hajduti 57-vjeçar është arrestuar menjëherë pasi mori statujën dhe u largua.
Ai mbeti në burg për disa ditë, ndërkohë që një gjykatë caktoi 20 mijë dollarë si çmim garancie të lirimit me kusht.
Hajduti nuk kishte problem me drejtësinë prej 7 vjetësh, ndërkohë që më parë ishte i njohur nga policia për “zakonin” e tij ngaqë kishte mjaft “dorë”; kryesisht për të vjedhur bizhuteri dhe gjëra të çmuara nga njerëzit e pasur. /tesheshi.com/
