Gjykata e Tiranës ka liruar adoleshentin që gjuajti me gur autobusin e ekpit serb, në kohën kur po futej në Tiranë pas mbërritjes në Rinas. Marsel Qeleshi, tashmë vetëm do shkojë para hetuesve një herë në javë, pasi ndaj tij u vendos masa “detyrim paraqitje”.
Goditja me gur ndaj autobusit me ekipin serb brenda ishte i vetmi incident i së enjtes. Media në Beograd i bëri shumë jehonë, ndërkohë që autoritetet e Rendit në Tiranë u angazhuan fuqimisht për identifikimin dhe kapjen e autorit.
Marsel Qeleshi mund të cilësohet dhe si Ballisti nr. 2 që u investua në një akt të rëndomtë nacionalist siç ishte të qëlluarit me gur të autobusit. Ndërsa Ballisti real, Ismail Morina, mbetet ende në qeli nën akuzën “armëmbajtje pa leje”. Grupime të ndryshme tifozësh kanë kërkuar lirimin e menjëhershëm të tij, duke kërcënuar dhe me protestë. /tesheshi.com/
