Lirimi i Lul Berishës, i njohur ndryshe si “i forti i Durrësit” është kritikuar ashpër nga ambasadori i SHBA-së, Donald Lu. Ai ka akuzuar drejtëpërdrejtë gjyqtarët se janë të korruptuar, duke dhënë vendime të tilla të pajustifikuara.
“Lirimi i Lulzim Berishës është bërë për shkaqe të panjohura. Dua t’u them gjykatave të korruptuara se
ky vendim është i papranueshëm”, u shpreh Donald Lu, gjatë një aktiviteti për nxitjen e Shoqërisë Civile.
Ish- kreu i bandës së Durrësit, Lul Berisha fitoi lirinë tre ditë më parë, me argumentin se vuante nga një sëmundje e rëndë. Vendimi u mor nga gjykata e Durrësit, duke vendosur ndaj tij “liri me kusht” për 5 vitet e mbetura të dënimit.
Berisha njhet si një ndër personat më të rrezikshëm në vend dhe është dënuar për vepra të rënda penale si trafik armësh, prostitucioni dhe droge, në rang ndërkombëtar./tesheshi.com/
