Në programin e rradhës “Pa kufij” të transmetuar në televizionin Al Jazeera, u intervistua kryetari i Xhubhetu Al-Nusra (Frontit Sirian për Triumf), Ebu Muhamed Xhoulani. Në një intervistë të bërë në Siri, ai foli në lidhje me fitoret e korrura nga ushtria tij dhe rreth strategjisë së tyre kundra SHBA-ve e Perëndimit, kundra regjimit të Asadit, Hezbollahut, Alevitëve, Druzëve dhe të krishterëve në Siri.
Kryetari Xhoulani, ka konfirmuar se sipas tij, grupi shi’itë libanez Hezbollah, është i rrënuar në mënyrë të pashmangshme. Po ashtu, edhe rënia e regjimit të Bashar Assad në Siri, ka thënë ai është e pashmangshme, duke shtuar se “El Nusra” ka një llogari të hapur hakmarrjeje ndaj alavitëve sundues të Sirisë, të cilët, siç tha, kanë vrarë, torturuar dhe përdhunuar shumë gra siriane.
Ai tha se rënia e regjimit të Esedit do të thotë automatikisht abdikim i Hezbollahut:
“Hezbollahu është i vetëdijshëm se betejën me ne e ka të humbur, por ata detyrohen të luftojnë deri në fund në mënyrë që t`i zgjatet jeta sistemit esedian të cilin ata e mbështesin”.
Xhoulani shpjegoi se zonat e “çliruara” së fundmi nga ata, janë të një rëndësie të veçantë strategjike dhe ushtarake, pasi ato përbëjnë linjat kryesore mbrojtëse në zonat bregdetare, duke ditur që këto zona sunite kufizohen me alavitë.
Fronti Nusras dhe sektet
Ai shtoi se midis alevitëve –sekti shi’it të cilit i përket presidenti sirian Beshar Esedi- dhe sunitëve ka një ndjenjë të madhe hakmarrjeje, duke shtuar se “ata vranë, torturuan dhe përdhunuan shumë gra”.
Ebu Mohammed Xhoulani theksoi se Fronti Al-Nusra nuk lufton këdo që ngre armën kundra tyre. Përshembull, sqaroi ai, “nëse një person e lë armë dhe dorëzohet para se të kapet në fushëbetejë, ne i japim atij garancinë që të shkojë shëndoshë e mirë pranë familjes së tij. Por kjo gjë me kusht që ai të mohojë regjimin esedian, kështu ne e falim atë edhe nëse ai ka vrarë më shumë se njëmijë vetë nga njerëzit tanë “.
Në lidhje me të krishterët dhe shi’itët në Siri, kryetari Frontit El-Nusras tha: “të krishterët, kryesisht janë rreshtuar krah regjimit sirian. Gjithsesi ne luftojmë vetëm ata të krishterë të cilët na luftojnë dhe se aktualisht nuk kemi fronte të hapura lufte me to. Çka do të thotë se as me Amerikën e as me të krishterët e botës nuk jemi në luftë. Ndërsa përsa i përket zonave shi’ite po. Ato janë zona në luftë me ne”.
Akuza terrorizmi
Kur u pyet në lidhje me akuzat që i ka bërë perëndimi këtij fronti, Xhoulani u përgjigj: “Nuk na intereson çfarë thotë Perëndimi, pasi ai përpiqet gjithmonë të luajë me balancat. Ata mendojnë se Siria duhet të kontrollohet nga pakica alevite, rrjedhimisht ata janë të interesuar për mbijetesën e Esadit dhe regjimit të tij.”
Ai shtoi se akuzat kundër frontit El Nusra për terrorizëm janë një përpjekje për të deformuar imazhin e saj, misioni i së cilës është mbrojtja e muslimanëve. Përsa i përket vet Perëndimit ai e mbështet regjimin sirian dhe koordinon me të, sipas tij.
Financimi dhe mbështetja
Xhoulani ka mohuar kategorikisht zërat se merr mbështetje nga shtete, organizata apo agjenci inteligjente, pasi ata e dinë shumë mirë se nuk ka mbështetje të pakushtëzuar. Duke aluduar kështu për mbështetje të ndryshme dhe oferta bashkëpunimi që i kanë ardhur nga agjensi inteligjente të huaja.
“Ne shpenzojnë plaçkën e luftës që e konfiskojmë nga sistemi. Toka e Sirisë është e pasur dhe ne nuk kemi nevojë për lëmoshat e askujt”, tha ai, duke shtuar se Fronti El Nusra nuk ia hap derën e mbështetjes akujt, për ajo synon që të jetë e lirë në vendimmarrjet e saj.
Amerika dhe Esedi
Në lidhje me këndvështrimin e tij mbi qëndrimin e SHBA karshi situatës në Siri, Xhoulani tha se Amerika dëshiron që në Siri të përsëritet skenari Jemenit: “Ata dëshirojnë vetëm ndryshimin e fytyrave, pasi kushdo sistem që do të vijë duhet t`i nënshtrohet vullnetit amerikan dhe sistemit ndërkombëtar.”
Kryetari i frontit El-Nusra theksoi se Shtetet e Bashkuara koordinojnë me regjimin sirian për përdorimin e avionëve ushtarake në hapësirën ajrore siriane në kuadër të koalicionit ndërkombëtar kundër ISIS. Për këtë tha ai, posedohen dokumente që e provojnë atë.
Xhoulani paralajmëroi se duke thënë: “në qoftë se Shtetet e Bashkuara vazhdojnë të bombardojnë vendet tona, atëherë do të ketë në pasoja që nuk do të jenë në favor të Amerikës”.
Burimi: Al Jazeera, përktheu dhe përgatiti me shkurtime: Enklid Pelari
