Në një rrëfim mbi jetën dhe karrierën, dhënë në “Pasdite në Top Channel”, ish-këngëtarja e muzikës së lehtë shqiptare, Liljana Kondakçi, tha se nuk e dinte se si i kishte shpëtuar furtunës ndëshkimore të Festivalit të 11. “Nuk e di, ndoshta lloji i këngës për një fëmijë”, tha ajo, që shtoi më pas se më së shumti i kishte kënduar rinisë, zogjve, luleve, pra këngë pa rrezikshmëri ideologjike.
Por ajo prej vitesh nuk këndon; madje duket se e ka ndërprerë karrierën fiks me rënien e regjimit, kohës kur ajo ishte në kulmet e saj. “Mund të bashkëpunoj me ndonjë kompozitor dhe mund të rikthehem”, tha ajo. /tesheshi.com/
