Kreu i grupit socialist Taulant Balla tha se Presidenti e ka detyrim tashmë që Kushtetuesja shpalli të ligjshme zgjedhjet e 30 qershorit 2019, që të shpallë zgjedhjet e pjesshme. Bëhet fjalë për 6 bashki.
“Respektimi i Gjykatës Kushtetuese është detyrim. Presidenti si institucion i rëndësishëm kushtetues duhet të marrë të marrë vendimarrje në atë që përcakton Kushtetuta në këtë rast. Këto lloj komunikimesh janë zhvilluar në kohën e duhur. Nuk duhet të harrojmë që është Presidenti ai që e ka këtë kompetencë…,” tha Balla.
Ndërsa, i pyetur nga gazetarët nëse PS i ka gati emrat për bashkitë pa kryetar, Balla nuk dha një përgjigje të qartë.
“Nuk kam një përgjigje. PS është sot krenare për vendimmarrjen e vet për të garuar në 30 qershor, të mos harrojmë që pati përpjekje nga PD dhe forca të tjera opozitare që të minonin zhvillimin e zgjedhjeve në këtë këndvështrim, ajo që konfirmoi 30 qershori ishte një prirje…”. /tesheshi.com/
