Ka arritur të imponojë vullnetin e qeverisë, kundërshtimi i LSI-së dhe PDIU-së për ligjin e kamerave të sigurisë.
Në seancën plenare të sotme, kryetari i grupit parlamentar të Partisë Socialiste ka kërkuar heqjen nga rendi i ditës të dekretit të Presidentit për ligjin për sigurinë publike.
“Për shkak të rëndësisë që ka ligji kërkojmë që dekreti të hiqet nga rendi i ditës”, ka thënë Gramoz Ruçi.
Ndërkaq, kreu i grupit demokrat Edi Paloka, tha se heqja e dekretit nga rendi i ditës u bë se PS nuk ka votat për ta votuar.
“Jemi kundër heqjes së dekretit nga rendi, Parlamenti s’mund të funksionojë kështu”, ka thënë Paloka.
Dy ditë më parë deputetët e LSI-së dhe PDIU-së votuan kundër në komisionin e sigurisë kombëtare. /tesheshi.com/
