Kryeministri Rama e ka quajtur ligësi që mbetjeve po u thuhet plehra, nga ata që po e kundërshtojnë ligjin e menaxhimit të mbetjeve.
Gjatë fjalës së tij në mbledhjen e Asamblesë Socialiste tek “Xibraku”, Rama tha se ky ligj do e pastrojë Shqipërinë.
“Ne në asnjë çast nuk do i tradhëtojmë njerëzit, ata që na kanë votuar më 23 qershor, edhe pse mund të bëjmë gabime pa fund gjatë qeverisjes”, tha Rama.
Sipas tij, ligji i mëparshëm, ai i qeverisë së Berishës ishte një tradhëti kombëtare, pasi i hapte rrugë ardhjes së mbeturinave për djegje, ndërkohë që sipas tij, në ligjin aktual kjo ndalohet rreptësisht. /tesheshi.com/
