Shpëtim Gjika i shpëton sërish burgut: Do gjykohet në liri! Lirinë e rifitojnë dhe Sulaj e Haxhi

Gjykata e Apelit lë në fuqi vendimin e Gjykatës së Vlorës për Gjikën, si dhe ndryshon vendimin për shefen e Urbanistikës dhe biznesmenin Haxhi.  Kryebashkiaku Gjika do të vazhdojë të hetohet nën masën e sigursë “detyrim paraqitje”, e sipas vendimit, këtë “fat” do e kenë dhe  Doriana Sulaj me Artur Haxhin, duke rrëzuar për dy të fundit vendimin “ arrest burg”. Sakaq, i pranishëm në gjykatë,  Gjika u shpreh i bindur në pafajësinë e tij duke nënvizuar se do e vërtetojë se nuk janë ndërtuar me dokumente të falsifikuara 15 pallate në qytetin e Vlorës. Por, Prokuroria kërkoi rikthimin në burg të kryebashkiakut të Vlorës, të akuzuar për “shpërdorim detyre” dhe “falsifikim të dokumentave”. Prokuroria akuzon Gjikën për falsifikim të lejes për një pallat 11 katësh në qendër të qytetit, të njëjtat akuza të ngritura dhe mbi shefen e urbanistikës Doriana Sulaj dhe biznesmenin e ndërtimit Artur Haxhi./tesheshi.com/