Gjashtë vite më parë kishin ëndrrën e ndërtimit të një skuadre futbolli, ndërsa tani janë pjesë e nivelit më të lartë të futbollit europian. Bëhet fjalë për skuadrën modeste nga Kazakistani FC Astana e cila ia ka dalur të kualifikohet në garat e Ligës së Kampionëve deri sa ka eleminuar izraelitët e Apoel Nicosias me rezultat të përgjithshëm (2:1), pas dy ndeshjeve.
Në ndeshjen e parë Astana fitoi 1-0, ndërkohë në ndeshjen e kthimit në Qipro ndeshja po shkonte drejt shtesave, pasi APOEL shënoi në minutën e 60-të, por kazakët e shfrytëzuan në mënyrë perfekte një rast në minutën e 84-t, kur Maksimoviç u gjend i vetëm në zonë, pas një krosi të Dzholchiyev për të shkruan historinë në futbollin europian.
Manchester United është rikthyer të garojë me “bigët” e tjerë të Europës deri sa ka eleminuar belgët e Club Brugge me rezultat të përgjithshëm 7:1, (4:0 ndeshja kthyese).
Leverkusen ka përmbysur Lazion 1:0 nga ndeshja e parë, deri sa ka regjistruar fitore të pastër në Gjermani (3:0) ndaj skuadrës së Etrit Berishës i cili ruajti portën e italianëve përgjatë 90 minutave.
Rikthim sensacional ka bërë edhe CSKA Moscow deri sa ka përmbysur epërsinë 1:0 të portugezëve të Sporting. Me shifrat 3:1 nga ndeshja kthyese rusët e CSKA-së, kanë siguruar biletën që dërgon deri në grupet e Ligës së Kampionëve.
Bate Borisov është skuadra e fundit që ka regjistruar për fazën e grupeve në Champions. Lindorët kanë heshtur stadiumin në Beograd deri sa kanë eleminuar serbët e Partizanit. 2:2 ishte rezultati i përgjithshëm pas dy ndeshjeve por falë golit të realizuar në udhëtim bjellorusët vërtetojnë vetën tashmë në skenën europiane.
Të enjten me fillim nga ora 17:45 hidhet shorti në Nyon të Zvicrës. /tesheshi.com/
