Marrëdhëniet mes ekipit të Donald Trump-it dhe Moskës do ta vënë Jared Kushner-in para një komisioni që po merret me çështjen.
Ndihmësi, e njëkohësisht dhëndri i presidentit amerikan, do të dëshmojë vullnetarisht para komisionit të Senatit për inteligjencën, një komision që po heton ndërhyrjen e mundshme të Rusisë në zgjedhjet presidenciale në SHBA vitin e shkuar.
Vazhdimisht është pretenduar se piraterimi elektronik rus gjatë zgjedhjeve presidenciale qe bërë për të ndihmuar Trump-in në betejën ndaj Hillary Clinton-it.
Sipas BBC-së, ka dy hetime të Kongresit në lidhje me këtë, veç një tjetri të FBI-së.
Donald Trump është mjaftuar me cilësimin e këtyre pretendimeve si lajme të rreme, ndërkohë që dhe Rusia i ka hedhur poshtë ato.
Kushner do të pyetet mbi dy takime të rregulluara me zyrtarët rusë si një ndihmës i presidentit Trump gjatë periudhës kalimtare. /tesheshi.com/
