Në kuadër të ceremonisë së prezantimit të ministrave dhe zëvendës ministrave nga radhët e LSDM-së në qeverinë kalimtare, kryetari i kësaj partie deklaroi që tani LSDM-ja është vetëm një hap drejt rrugës së pandashme e cila do t`i sjell ndryshimet demokratike në Republikën e Maqedonisë.
“Funksioni i këtyre njerëzve është që të janë kontrollues dhe ta garantojnë vullnetin e lirë të qytetarëve. Në Maqedoni duhet dhe do të ketë liri dhe demokraci”, deklaroi lideri i LSDM-së.
Ai potencoi se pjesëmarrja e tanishme e LSDM-së në qeveri ka rrol kontrollues dhe se me 24 prill LSDM-ja do t`i ktheje vlerat kushtetuese dhe ekonomike që të gjithë qytetarët i kërkojnë dhe i meritojnë.
Në një pyetje gazetarësh, nëse do të ngel kryetar komune pas zgjedhjeve të parakohshme parlamentare që do të mbahen vitin e ardhshëm ai theksoi se nuk do të jetë kryetar komune pasi që do ta ketë nderin që të udhëheq me qeverinë e Republikës së Maqedonisë.
“Kryeministri është ai që duhet të jap dorëheqje 100 ditë para mbajtjes së zgjedhjeve dhe duhet që të formoj qeveri të re me kryeministër të ri. Pas 24 prillit nuk do të jam kryetar komune pasi që do ta kam nderin që të udhëheqi me qeverinë e re të Republikës së Maqedonisë”, deklaroi Zaev. /tesheshi.com/
