Udhëheqësi i grupit të shpëtimtarëve vullnetarë sirianë, i cili është përjetësuar në një dokumentar të nominuar për Oscar, ka kritikuar ndalimin e hyrjes së refugjatëve në vend nga ana e Donald Trump, ndalesë kjo e cila do t’ia pamundësojë atij pjesëmarrjen në ceremoninë e ndarjes së çmimeve.
Urdhëri shumë i diskutueshmëm ekzekutiv i presidentit të SHBA-së, i nënshkruar të premten, ka ndaluar hyrjen e sirianëve në vend për kohë të pacaktuar.
Dokumentari i Netflix për Helmetat e Bardha, me regji të Orlando von Einsiedel, u propozua për shpërblimin e Akademisë për dokumentarin më të mirë (metrazhit të shkurtër).
Producent britanik Joanna Natasegara, kishte planifikuar të sjellë liderin sirian të Helmetave të Bardha, Raed Saleh dhe kinematografin Khaled Hatib në ceremoni. Dy prej tyre janë shtetas sirianë.
Në një intervistë nga kufiri sirian-turk, Saleh ka shprehur zhgënjimin e tij me ndalimin e refugjatëve nga ana e Trump.
“Madhështia e një vendi nuk matet me armët apo avionët luftarakë të tij, por nga mënyra se si ky vend i ndihmon nevojtarët në kohërat kur ata kanë më së shumti nevojë”, tha ai. Më parë, ai kishte përgëzuar SHBA-të për “historinë krenare të mirëpritjes së atyre që po ikin nga lufta dhe tirania e tij “, dhe thotë se shpreson se “kjo do të vazhdojë edhe në të ardhmen.”
Saleh, i cili tashmë ka vizituar SHBA-të në një numër rastesh për të folur dhe për të rritur ndërgjegjësimin në lidhje me punën e Helmetave të Bardha, tha se ndalimi do të pengojë atë në të ardhmen për t’i treguar botës në lidhje me situatën në terren në Siri.
Von Einssiedel, drejtori i filmit, tha se urdhëri ekzekutiv mbi ndalimin e udhëtimit për sirianët ishte i turpshëm. Trump duhet ta shikojë këtë film, dhe të kuptojë se nëpër çfarë janë duke kaluar në të vërtetë njerëzit atje”, tha ai në Londër. “Ata po vijnë këtu nga dëshpërimi absolut.”
“Mesazhi i dhembshurisë së Helmetave të Bardha është një zë për të cilin kemi nevojë aq shumë në këtë moment,” vazhdoi ai. “Të mos i kemi ata këtu me ne, është një turp aq i madh”, përfundoi Von Einssiedel. /tesheshi.com/
