Ambasadori palestinez në OKB e ka akuzuar Izraelin, që vepron “në në mënyrën më të egër e të turpshme”, duke nxjerrë në pah sipas statistikave palestineze 30 të vrarë, duke përfshirë këtu 7 fëmijë në shpërthimin e dhunës së fundmi, dhe rreth 1,500 të plagosur, në pjesën më të madhe të rinj.
Rijad Mensur ju tha reporterëve të mërkurën, se Ambasadorët Arabë do të takohen të enjten pasdite për të diskutuar rreth thirrjes së Ligës Arabe në një miting urgjent për të ndërhyrë në Këshillin e Sigurimit të OKB-së ndaj dhunës aktuale. Ai tha se mitingu i së enjtes do të vendosë për hapat e mëpasëm, të cilat do të përfshijnë gjithashtu një draft-rezolutë për në OKB. Mensuri tha gjithashtu, se rezoluta do të përmbajë dënimin “agresionit nga izraelitët,” do të kërkojë tërheqjen e të gjithë izraelitëve të armatosur nga pikat e konfrontimit- veçanërisht në qytetin e vjetër të Jeruzalemit dhe nga vendet e shenjta aty, dhe thirrjen për të mbrojtur popullin palestinez.
Presidenti Abaz në një dalje televizive ka kërcënuar se do t’i çojë rastet e fundit të vrasjeve nga ushtarët izraelitë në Gjykatën Ndërkombëtare të Krimeve, kundër asaj që ai e quajti “vrasje jashtëgjyqësore” të palestinezëve.
AP-/tesheshi.com/
