Kryeministri shqiptar Edi Rama dhe ai i Kosovës, Isa Mustafa, kanë ngushëlluar autoritetet franceze pas sulmit të tmerrshëm terrorist.
Ndërkaq, liderët botërorë, nga Obama, Merkel, Erdogan etj., kanë shprehur solidaritetin e tyre me popullin francez dhe janë angazhuar për të luftuar terrorizmin.
Edi Rama
“Është një luftë e vërtetë! Shqipëria mbështet plotësisht Francën dhe Qeverinë e saj në këto momente horrori dhe zie #ViveLaFrance”
Isa Mustafa
‘‘Në këto momente të vështira, ne ndajmë dhimbjen me popullin dhe institucionet e Francës, por edhe me mbarë botën demokratike, e cila duhet të mobilizohet fuqishëm për ta mundur të keqen që po i kanoset njerëzimit”
Obama
“Ky është një sulm jo vetëm në Paris. Është një sulm jo vetëm ndaj popullit të Francës. Por ky është një sulm ndaj të gjithë njerëzimit dhe vlerave universale që ne i ndajmë.
Ne qëndrojmë së bashku me ta në luftën kundër terrorizmit dhe ekstremizmit. Ata që mendojnë se mund të terrorizojnë popullin e Francës apo vlerat mbi të cilat ata qëndrojnë janë në gabim. Populli amerikan merr forcë nga angazhimi i popullit francez ndaj jetës, lirisë dhe kërkimit të lumturisë.
Rexhep Tajjip Erdogan
“Si komunitet ndërkombëtar kemi shprehur gjithmonë se duhet të ketë një konsensus kundër terrorizmit dhe kemi vazhduar me ndjeshmëri luftën tonë kundër terrorizmit, dhe vazhdojmë gjithashtu. Por dua të rikujtoj se ndodhemi në fund të fjalës në lidhje me çështjen e luftës kundër terrorizmit, dhe dua të rikujtoj gjithashtu se ndodhemi veçanërisht në një periudhë qe kjo duhet të dali në plan të parë.
Si Turqi, ne çështjen kundër terrorizmit qëndrimin tonë parimor do ta vazhdojmë edhe më tej në të njëjtën mënyrë. Njerëzit e popullit tim në Ankara, Suruç, Gaziantep, Diyarbakır, Şırnak e dinë shumë mirë këtë situatë, dua të dini se çfarë mendojmë, çfarë kemi menduar dhe të njëjtën gjë mendojmë dhe ndiejmë edhe për aktet në Paris.
Ahmet Davutoglu
“Qëllimi i sulmeve të ulëta në Paris është njerëzimi. Ne si Turqi, i dënojmë ashpër këtë sulme. Jemi në solidaritet me Francën kundër terrorizmit. Uroj ngushëllimet për të afërmit e viktimave dhe popullit francez”.
David Cameron
“Jam i shokuar me ngjarjet në Paris të cilat ndodhën sonte. Mendimet dhe lutjet tona janë me popullin francez. Do të bëjmë çka do që nevojitet për të ofruar ndihmë”
Angela Merkel
“Zemra ime është bashkë me të gjithë njerëzit në Paris dhe me të afërmit e atyre që kanë humbur jetën në këtë sulm të mundshëm terrorist. Jemi në kontakt me qeverinë e Francës dhe i kemi shprehur atyre se njerëzit në Gjermani janë në solidarizim me njerëzit në Francë”.
Vladimir Putin
Zëdhënësi për shtyp i Kremlinit, Dimitry Peskov në një deklaratë me në lidhje me sulmet në Paris ka vënë në dukje se Putin ka shprehur ngushëllimet e thella në lidhje me sulmet në Paris dhe se janë të gatshëm të japin çdo ndihmë për ndëshkimin e autorëve të këtyre ngjarjeve.
Putin ka theksuar ndër të tjera se ndodhet në anë të Presidentit të Francës, François Hollande dhe popullit francez.
Xi Jinping
Presidenti kinez Xi Jinping nëpërmjet mesazhit drejtuar homologut të tij francez Francois Hollande, në emër të qeverisë dhe popullit kinez dënon ashpër sulmet terroriste në Paris dhe shpreh ngushëllime të thella për familjet e viktimave.
Xi Jinping thekson se Kina kundërshton terrorizmin e çdo forme dhe do të bashkëpunojë me komunitetin ndërkombëtar, duke përfshirë Francën, për goditjen e tij.
/tesheshi.com/
