Kur dy liderët e politikës, kryeministri dhe lideri i opozitës ndodhen akoma në bisedime për konkludimin e marrëveshjes së arritur mbrëmë në mesnatë, disa figura të tjera politike kanë nisur të lëvizin në prapaskenë.
Presidenti i zgjedhur, Ilir Meta, ka zhvilluar sot një takim me ish-kryeministrin Sali Berisha, në zyrën e këtij të fundit. Takimi mes ish-aleatëve qeverisës që zgjati rreth 1 orë vjen pas arritjes së marrëveshjes politike për zgjidhjen e krizës mes kryeministrit Rama dhe kreut të PD-së Basha.
Më vonë Berisha ka thirrur nkreun e Partisë Republike Fatmir Mediu në zyrën e tij.
Nuk dihet se çfarë është folur në këto takime, por emrat e mësipërm janë tashmë periferikë dhe jashtë asaj që po arrihet në Pallatin e Kongreseve.
Berisha, i cili ka pasur një rol të madh në lëvizjet e Bashës, sot nuk ka pasur mundësinë të jetë këshillues i tij, dhe nuk ka më mundësi as t’i ndryshojë mendjen pasi marrëveshja është përshëndetur nga gjithë faktorët ndërkombëtarë./tesheshi.com
