Ka ndodhur lëvizja më e madhe në tregun mediatik shqiptar. Blendi Fevziu duket se është pranë mbylljes së tratativave për të zhvendosur emisionin e tij politik në Top Channel.
Siç mësohet negociatat janë drejt mbylljes dhe sezonin e ardhshëm Opinioni do të ndërrojë shtëpi nga Klan TV ku ka qenë prej 20 vjetësh.
Gjithçka është realizuar prej Drejtorit të Përgjithshëm të Top Channel, Ben Blushi, i cili ka një miqësi të ngushtë dhe të gjatë me gazetarin Blendi Fevziu.
Blushi ka marrë “carta biancha” nga pronarja e TCH, Vjollca Hoxha për ta administruar televizionin më të madh në vend dhe për ta kthyer sërish në majë.
Top Channel, që prej ikjes së Sokol Ballës në Vizion Plus ka nisur tratativat me Fevziun dhe mësohet se marrja e Ylli Rakipit në emisionin e së enjtes ka qenë vetëm një lëvizje provizore.
Duket se këto negociata kanë rënë në veshin e pronarit të Klan Aleksandër Frangaj, i cili ka nisur fërkimet me Fevziun prej disa muajsh. /tesheshi.com/
