Letrat e lagura zënë një vend të rëndësishëm në përdorim tonë të përditshëm. Shpesh ne ato i përdorim për të hequr grimin, për të pastruar duart apo sipërfaqet në kuzhinë ose banjo, etj.
Sipas studiuesve në Universitetin e Cardiff-it, thuhet se ne nuk e dimë se çfarë mund të shkaktojë në të vërtetë përdorimi i letrave të lagura.
Pas testimeve të shumta nëpër spitale rezulton se, letrat e lagura jo vetëm se nuk arrijnë të largojnë shumë bakteret nga sipërfaqet e ndryshme ku ne i përdorim ato, por përkundrazi i përhapin më shumë.
“Ky është një studim i thjeshtë i cili ka nevojë të përsëritet në një shkallë më të gjerë për të siguruar përfundime më të besueshme,” tha mjeku kryesor Dr. Michael Spira.
Letrat e lagura gjithashtu kanë dhe historinë e tyre të dëmshme siç mund të përmendim rastin e një foshnje 6-muajshe pësoi një djegie kimike nga letrat e lagura të falsifikuara për fëmijë, një grua tjetër kishte raportuar se kishte gjetur një mi të ngordhur në një paketë të tillë në Norwich, dhe në Kaliforni, disa nga këto facoleta u gjetën se kishin copa qelqi në to.
Shumica e këtyre letrave mund të shkaktojnë probleme serioze të kanalizimit nëse hidhen në WC, duke formuar bllokadë poshtë në sistemin e kanalizimit./tesheshi.com/
