As me largimin e Saimir Tahirit, duket se kryeprokurori Llalla nuk po gjen paqe me dikasterin e Rendit. Pak ditë më parë ai akuzoi policinë se realizon djegien e kanabisit pas paninë e prokurorëve, në shkelje të ligjit kjo sipas tij; ndërsa sot, ministri i ri Xhafaj i ka përcjellë një letër publike duke ia rrëzuar pretendimet. Letra mund të ishte dhe kofidenciale, brenda raporteve ndër institucionale; por fakti që është servirur si publike, tregon se politika është ajo që mbizotëron në përplasjen mes dy dikastereve dhe drejtuesve përkatës, mbi arsyet “teknike”.
Xhafaj e nis letrën e tij duke bërë të habiturin mbi akuzat e Llallës, marrësit të letrës, se policia ka shmangur prokurorët gjatë procesit të sekuestrimit dhe eliminimi të lëndës narkotike:
“Ky fakt, nëse mbetet i provueshëm dhe i vërtetë, së pari më bën përshtypje se përse nuk u diskutua në takimin e përbashkët dhe nuk gjen asnjë gjurmë të ndonjë komunikimi zyrtar të mëparshëm mes dy institucioneve”, thotë Xhafaj.
“Jam i gatshëm të ndëshkoj çdo shkelje të ligjit në radhët e tij. Jam i sigurt, referuar shqetësimit publik që ju ngritët, se të njëjtën gjë do të bëni edhe ju edhe për drejtuesit e prokurorive përkatëse që kanë lejuar situata të tilla paligjshmërie”, thekson ndër të tjera kreu i Rendi. /tesheshi.com/
