Kjo është një letër e dërguar në adresën 10 Downing Street nga një vajzë 8 vjeçare, e quajtur Sadiya Rahman.
I dashur Zotëri/Zonjë
Unë jam Sadiya dhe jam 8 vjeçe. Një ditë më parë unë dhe vëllai im dëgjuam mamin dhe babin të flisnin për atë që Zoti David Cameron tha për nënat myslimane. U shqetësuam të dy pasi menduam se do të na merrnin mamin.
Ajo nuk flet anglisht me ne. Ajo emigroi në këtë vend nga India. Babi thotë se nuk kemi përse të shqetësohemi, pasi mami ka studiuar literaturë angleze për diplomimin e saj, por ajo na flet neve në gjuhën urdu pasi ajo do që edhe ne ta mësojmë këtë gjuhë. Plus që flet anglishten me një theks të çuditshëm që neve na duket për të qeshur, por asaj nuk i pëlqen ky fakt.
Ajo ndihmonte në shkollë si vullnetare deri sa erdhi në jetë motra jonë e vogël, disa muaj më parë. Babi thotë se nuk kemi përse të shqetësohemi, pasi mami jonë është e talentuar dhe ajo i ndihmon të tjerët, por mua më vjen keq për nënat e tjera dhe fëmijët e tyre, sesa keq do të ndihen ata, nëse do t’i largojnë nënat e tyre.
Shikoj që mamaja ime vendos një shami në kokë kur del nga shtëpia. Më pëlqen shumë ndaj e vendos edhe unë. Unë e vendos shaminë në kokë sepse më pëlqen ta vendos, jo sepse prindërit më detyrojnë që ta mbaj. Para disa ditësh im atë më pyeti nëse jam ndier ndonjëherë e detyruar ta mbaj shaminë në kokë dhe përgjigja im ishte “Jo”.
Në nëntor ne shkuam të mblidhnim para për Poppy Appeal. Fotografitë tona u shpërndanë nëpër gazeta. Unë mbaja një shami në kokë kur më kishin fotografuar, ndaj shumë njerëz nisën të mendonin se myslimanët janë të këqij.
Doja t’ju tregoja se myslimanët janë të mirë. Sigurisht që ka edhe myslimanë të këqij, por a nuk ka edhe të tjerë njerëz që janë të këqij?
Kur të rritem dua të bëhem autore dhe shkencëtare. Dua të ndihmoj njerëzit. Kam dëgjuar se Cameron mund të na dëbojë ne që mbajmë shami. Dua të rritem dhe të mbaj shami edhe kur të bëhem autore dhe shkrimtare. Do të mërzitesha shumë nëse nuk do të mbaja shaminë, kur të ndihmoja të tjerët.
Sadiya Rahman është një studente në klasën e tretë. Ajo jeton në Londër bashkë me familjen e saj. Letrën e shkruar me shkrim dore nga ajo, e gjeni më poshtë:
/tesheshi.com/
