Një avion i posaçëm për 35 diplomatët rusë të shpallur të padëshiruar në SHBA e ka lënë Uashingtonin një ditë më parë, për të mbërritur në Moskë në orët e para të së hënës.
Bashkë me diplomatët e dëbuar, me avionin e dërguar posaçërisht nga Rusia janë larguar dhe të afërmit e tyre.
“Ne mund të pohojmë se 35 diplomatët rusë të deklaruar persona të padëshiruar, bashkë me anëtarët e familjeve të tyre, janë larguar nga Shtetet e Bashkuara,” i tha AFP-së një zëdhënës i Departamentit të Shtetit.
Ndërsa avioni ishte në fluturim, fëmijët e diplomatëve rusë të dëbuar nga SHBA-ja u ftuan të marrin pjesë në festën që organizon Kremlini për Vitin e Ri.
Dëbimi i diplomatëve rusë ishte në kundër të sanksioneve amerikane të urdhëruara nga presidenti Barack Obama pas pretendimeve për ndërhyrje kibernetike nga Rusia për të ndikuar në zgjedhjet presidenciale në SHBA.
Për diplomatët rusë, të cilësuar dhe si operativë të inteligjencës, qe dhënë të enjten e shkuar një afat 72-orësh për ta lënë SHBA-në. /tesheshi.com/
