Jean Todt, bosi legjendar i Ferrarit, fitoi çmimin për arritje jetësore në “Auto Bild Motorsport Race Night”, duke pasuar kështu titujt e njëpasnjëshëm të marrë me Michael Schumacher nga 1999 deri në 2004.
Francezi i famshëm është një nga ata njerëz lejohen të vizitojnë Schumacherin në gjendje koma, pas një aksidenti të rëndë me ski në fund të vitit 2013, në Alpet franceze.
“Jam i lodhur kur i flas e nuk marr përgjigje, kur e shoh ashtu, pa asnjë reagim. Fotot e Michael janë kudo në zyrën time dhe atje ku banoj. Kohën që kam kaluar me Michael, do të kujtoj si më të mirën në jetën time. Ne e duam njëri-tjetrin, së bashku kemi shkruar një histori të pabesueshme në Formula 1. E vizitoj të paktën dy herë në muaj. E shoh Michael, familjen e tij … e dua këtë njeri. Uroj që situata të ishte e ndryshme, por për fat të keq nuk është”, tha Todt. /tesheshi.com/
