Ai ishte i shkëlqyer në fushë me skuadrën e tij Manchester United e tani po tregon se është po aq I shkëlqyer edhe kur vjen puna për zemërgjerësi ndaj njerëzve me pak fat se ai vetë.
Cantona do të strehojë dhe ushqejë një familje refugjatësh për dy vjetët e ardhshëm.
Në një rrëfim për radion franceze, ish-kapiteni i “Djajve të Kuq” tha se historia e gjyshit të tij ishte burim frymëzimi për të ndërmarrë nismën e përkujdesjes së një familjeje të ikur nga lufta.
49-vjeçari që e la futbollin futbollin në moshën 30-vjeçare tha se do të sigurojë një shtëpi të vogël më një kopsht dhe ushqim për një familje.
“Jam duke u konsultuar me autoritetet në Marseille”, tha Cantona për radion franceze Inter.
“Në qoftë se ti i premton dikujt shtëpi, që nuk ka të drejtë pune ti gjithashtu duhet t’ia sigurosh edhe ushqimin”, shtoi ai.
“Gjyshi im nga ana e nënës ishte një spanjoll republikan dhe ai u largua nga regjimi i Francos, duke kaluar nëpër malet e Pirenejve në këmbë. Kjo histori luajti një rol në vendimin tim”, tha Cantona. /tesheshi.com/
