Deputetja socialiste, Ledi Shamku ishte vetmja parlamentare shqiptare që ka kundërshtuar dhe akuzuar Malin e Zi për politikë antishqiptare në aspektin e gjuhës dhe identitetit kombëtar.
Shamku, e cila gjysmën e saj, bashkëshortin Artan Shkreli e ka me origjinë të largët nga Malësia e Shkodrës, ka abstenuar për traktatin e pranimin e Malit të Zi në NATO, ndërsa 110 deputetë votuan pro.
Shamku ka sqaruar abstenimin e saj duke i drejtuar disa pyetje retorike krerëve për marrëdhëniet me Malin e Zi.
“Marrëdhënie model mes Shqipërisë dhe Malit të Zi?! Pa m’kallxoni shtetarët e mi, ku e shihni modelin? Te Fjalori fyes? Te fakti që Shqiptarët e Shqipërisë dje u gjobitën nga Gjykata Malazeze me 230 euro për “fajin” se po ktheheshin nga Franca duke kremtuar me flamur shqiptar në makinë, dhe sipas gjykatësit penal malazez paskan “shqetësuar” turistët e Budvës? Te fakti që nuk kemi më asnjë ministër shqiptar në qeverinë malazeze? Ku e shihni modelin, o shtetarët e mi?!”, shkruan ajo në Facebook.
/tesheshi.com/
