Kreu i muslimanëve në Turqi, Ali Erbas, u shfa me shpatë mbi mimberin e Haghia Sophia-s xhumanë e kaluar, gjë që mediat greke, të ndjeshme ndaj çdo lloj zhvillimi në fqinjin e tyre lindor, njëherësh rival historik, e kanë përkthyer si kërcënim për Izraelin.
Ato citojnë fjalët e tij, ku në fakt bëhet diferenca mes asaj se si janë sjellë muslimanët me të tjerë në kushte fuqie e pushteti.
“Shtëpitë, xhamitë, shkollat, madje edhe spitalet bombardohen pa mëshirë. Një krim i madh kundër njerëzimit po kryhet sot në Palestinë para syve të gjithë botës. Njerëzit e pafajshëm, duke përfshirë foshnjat, fëmijët, gratë dhe të moshuarit, po vriten brutalisht”, tha Erbas.
“Raca, gjuha dhe feja e të shtypurve nuk merren parasysh. Edhe nëse shtypësi është musliman ose i shtypuri jomusliman, besimi ynë na urdhëron të mbrojmë të drejtat e të shtypurit kundër shtypësit dhe t’i qëndrojmë pranë tij, pavarësisht nga feja apo raca e tij. Besimi ynë është një fe që respekton kaq shumë njerëz. E gjithë bota duhet ta dijë këtë. Turp për ata që injorojnë njerëzit e shtypur sepse janë muslimanë”, theksoi Erbas, kreu i Diyanet-it, institucionit të Çështjeve Fetare në Turqi, cituar nga media greke. Dhe kjo e fundit nuk ka mundur ta përgënjeshtrojë. Se vërtet, sado që grekët përcjellin urrejte ndaj ish-Perandorisë Osmane, pjesë e së cilës ishin, asnjëheë nuk ofrojnë ndonjë fakt apo të dhënë nga ajo kohë të ndonjë keqtrajtimi ndaj tyre. /tesheshi.com/
