Le Pen: Përse emigrantët nuk vendosen në Tunizi apo Algjeri?

Marine Le Pen, gruaja e ekstremit të djathtë në Francë, një anti-emigrante e deklaruar sipas frymës politike që përfaqson, tha se ishte jashtëzakonisht e brengosur nga deklarimet se së shpejti do të vijnë në Francë kontigjente emigrantësh të anijes “Aquarius”, të cilët nisën zbarkimin në në Valencia të dielën, si pjesë e një operacioni shpëtimi, pasi u refuzuan nga Italia e Malta.

Sipas saj, ky është një sinjal se “vazhdon hapja e kufijve kombëtarë”.

Franca tha se ishte gati të pranonte një pjesë të tyre dhe një zëdhënës i qeverisë në Paris theksoi se ende nuk dihej se sa emigrantë dhe refugjatë do të merrnin. “Vendimi përfundimtar, tha ai, do të jetë rast pas rasti”.

“Sigurisht, jam i lumtur që janë të gjallë dhe mirë, por jam shumë i shqetësuar. Kam dëgjuar kryeministrin që disa prej tyre do të vijnë në Francë”, tha Le Pen

E nga ana tjetër ajo përshëndeti vendimin e Italisë për të mos pranuar më anije me emigrantë dhe refugjatë në portet e tyre,  duke vijuar me arsyetimin se “ata mund të kishin zbarkuar më herët në Tunizi ose Algjeri…”. /tesheshi.com/