Ish-drejtuesi i Frontit Nacional, partisë franceze të së djathtës ekstreme, është shpallur fajtor nga një gjykatë e Parisit për mohim të krimeve kundër njerëzimit.
Jean-Marie Le Pen, tashmë 87 vjeç, është dënuar me një gjobë 30.000 euro pse i ka quajtur dhomat e gazit të nazistëve një “detaj” të Luftës së Dytë Botërore.
Ai do të dënohej katër vite më parë me të njëjtën akuzë, pasi deklaroi se pushtimi nazist i Francës nuk kishte qenë “posaçërisht çnjerëzor”.
I pyetur nga një gazetar, Le Pen do të deklaronte se komentet përkonin me mendimin e tij se dhomat e gazit ishin një detaj i historisë së luftës.
“Po flas për gjëra specifike, jo për numrin e të vdekurve,” i është përgjigjur ai ngacmimit të gazetarit. “Kam folur për një sistem. Unë thashë se ishte një detaj i historisë së luftës.”
Mohimi i Holokaustit është i dënueshëm në Francë. /tesheshi.com/
