Franca dëshiron që procesi i pranimit në BE së pari “ridizanjohet ” para se BE-së të hapë një “dritë jeshile” për të filluar negociatat me Maqedoninë Veriore dhe Shqipërinë, shkruan Le Monde, e cila thotë se Franca duket e gatshme të tërhiqet nën këtë kusht, nga vetoja e saj për fillimin e negociatave me Shkupin dhe Tiranën.
Le Monde shton se kjo u vërtetua indirekt nga Presidenti i Këshillit Evropian Charles Michel në Zagreb, duke thënë se “nëse arrihet marrëveshje për modernizimin e procesit të zgjerimit, unë besoj se përparimi është i mundur”.
Presidenti francez Emmanuel Macron informoi të mërkurën Kryeministrin kroat Andrej Plenkoviç – vendi i të cilit mban presidencën e BE për gjashtë muajt e parë të këtij viti – se “Franca është e gatshme të lëvizë nëse ndryshon metoda e negociatave”, thuhet në një deklaratë të një zyrtari të afërt të Macronit.
Zyrtarët francezë tregojnë se “ky është një parakusht për Parisin”.
E përditshmja Paris kujton se në fund të vitit të kaluar, Franca sugjeroi që procesi i zgjerimit duhet të shndërrohet në shtatë “faza të prekshme, graduale dhe të fuqishme”.
Gazeta citon një shpjegim të burimeve diplomatike franceze se negociatat si këto tani mund të zgjasin me vite, dhe vendi kandidat “mbetet” jashtë BE.
“Prandaj është më mirë të zhvillohet një proces që gradualisht do t’i përgatisë këto vende (kandidate), të inkurajojë përafrimin e tyre me rregullat e Unionit”, tha një ekspert për politikën e pranimit në BE.
Zyrtarë franceze theksojnë se përpara samitit BE-Ballkan Perëndimor “mund të arrihet një rezultat i favorshëm, me kusht që të vendosen rregulla të qarta për këtë qëllim”. /tesheshi.com/
