Ka ndërruar jetë në moshën 82-vjeçare i njohuri si “Mandela” i Kosovës, Adem Demaçi. Shkrimtar e veprimtar, ai vuajti 28 vite burg nën ish-Jugosllavi e më vonë, për kundërvënie ndaj regjimit të Beogradit.
Mbështeti UÇK-në në kohën e kësaj të fundit, e politikisht qëndroi më afër Vetëvendosjes; por kurrë nuk u angazhua me parti apo në politikën e ditës. Madje nuk mbajti as ndonjë post të rëndësishëm shtetëror.
Ndryshe nga Adem Jashari që luftoi me pushkë, Adem Demaçi luftoi me penë për Kosovën, ku njëri e pagoi me jetë e tjetri me humbje lirie për më shumë se çerek shekulli.
Ishte gjithashtu ndër të parët kosovarë që pas vitit 2000 vendosi ta ndajë jetën mes Kosovës dhe Shqipërisë, duke zgjedhur që një periudhë të vitit ta kalojë në Sarandë ku dhe bleu një apartament. /tesheshi.com/
