LDK-ja e Isa Mustafës ka mirëpritur arritjen e marrëveshjes për ta ratifikuar Demarkacionin me Malin e Zi, por nuk ka lënë rastin pa kritikuar Haradinajn duke thënë se ai duhet të japë përgjegjësi për humbjen e kohës që i ka shkaktuar vendit.
“Qëndrimet e LDK-së janë të qarta sa i përket Demarkacionit. LDK po përgatitet për zgjedhjet e ardhshme, po bëjmë platformën qeverisëse për ta kthyer Kosovën në rrugën e duhur. Është humbur shumë kohë me marrëveshjen për Demarkacion dhe ata që e bllokuan të japin përgjegjësi. Marrëveshja është e njëjtë me atë të vitit 2015. Presidenti duhet ta sjellë në Kuvend këtë marrëveshje për ta parë. Kërkojmë ratifikimin sa me shpejt”, ka thënë Hoti në një konferencë.
Kujtojmë se kjo parti u rrëzua nga pushteti pikërisht për mosratifikimin e kësaj marrëveshjeje, pasi partneri i koalicionit PDK akuzoi ish-kryeminsitrin Isa Mustafa për mosmarrje të vendimeve të mëdha. /tesheshi.com/
