Ish-deputeti i LDK-së, Shpejtim Bulliqi, nuk është pjesë e listës së kandidatëve për deputetë të kësaj partie, për zgjedhjet e parakohshme të 11 qershorit. Këtë vendim e ka marrë Dega e LDK-së në Podujevë prej nga vjen Bulliqi. Ky i fundit ka thënë se një vendim i tillë është si pasojë e kundërshtimit që i ka bërë versionit aktual të Demarkacionit kufitar me Malin e Zi, duke dal kundër qëndrimit të partisë që ai përfaqësonte,
Pavarësisht moskandidimit, Bulliqi ka thënë se ai nuk do largohet nga LDK-ja, duke thënv se do të punoj fuqishëm që në LDK të krijohen kushte për mendim të lirë.
“Unë do të punojë fuqishëm që në një të ardhme të afërt të largojmë nga partia njerëzit servil dhe të padijshëm të cilët për një interes të ngushtë janë në gjendje ta sakrifikojnë edhe integritetin e shtetit. Ne së bashku do të reformojmë partinë. Kam pasur oferta edhe nga parti të ndryshme, por unë do të qëndrojë deri sa të largohen matrapazat”, ka deklaruar Bulliqi, për mediat.
Megjithatë është Këshilli i Përgjitshëm i LDK-së që thotë fjalën e fundit për kandidatët për deputet dhe mbetet të shihet nëse do e shqyrtojnë vendimin e Degës së Podujevës, apo Mustafa përfundimisht do i hakmerret Bulliqit duke e lënë jashtë liste.
Ndryshe, AAK-ja e Ramush Haradinajt ja ka kapur dyert Bulliqit, por mbetet të shihet nëse ky i fundit do garojë për deputet në listën e kësaj partie./tesheshi.com
