Ministria e Jashtme ruse tha në një deklaratë ditën e djeshme se ministri Sergej Lavrov diskutoi me homologun e tij amerikan John Kerry në telefon, rreth situatës në Siri, Jemen dhe krizës në Ukrainë.
Ministria në deklaratën e saj theksoi se “situata në Siri dhe Jemen, duke përfshirë edhe përpjekjet e bashkësisë ndërkombëtare për të lehtësuar fillimin e një procesi të paqes në dy zonat e nxehta, ishte boshti bisedimeve.”
Ky konsiderohet si kontakti më i fundit nga një sërë kontaktesh të nivelit të lartë mes Moskës dhe Uashingtonit në ditët e fundit, në lidhje me krizën në Lindjen e Afërme dhe gjithashtu në Ukrainë, kriza këto që kanë bërë që marrëdhëniet mes dy vendeve të jenë në nivelin e tyre më të ulët që prej Luftës së Ftohtë.
Çështja siriane gjithashtu ishte në krye të rendit të ditës, kur Kerry udhëtoi për në vendpushimin rus Soçi në Detin e Zi, më 12 maj të këtij viti për të biseduar me presidentin Vladimir Putin.
I dërguari special i SHBA-së në Siri, Daniel Rubinstein bëri një vizitë në Moskë, nga ku zhvilloi bisedime të hënën me Mihail Bogdanov, Zëvendësi i Lavrovit dhe i dërguari i posaçëm i Putinit në Lindjen e Mesme.
Agjencia e lajmeve RIA transmeton se Bogdanov ka thënë “kolegët amerikanë tani e kuptojnë një gjë, se aktualisht nuk ka një alternativë për Bashar Asadin dhe qeverinë e tanishme, pasi nëse ndodh diçka me ta, terroristët ekstremistët -sidomos ISIS- do të kontrollojë plotësisht Sirinë.”
Zyrtari rus theksoi se “Ishte ky shkaku i fillimit të interesit dy palësh për bashkëpunim. Ne duhet të mendojmë tani, pa humbur kohë, rreth ideve kreative që të mbrojmë veten me Shtetet e Bashkuara”, por nuk ai dha detaje të mëtejshme në lidhje me atë që tha se ka disa opsione të shtruara në tryezë. /tesheshi.com/
