Që nga data 1 janar i vitit 2017-të, pas 4 muajsh, asnjë furgon apo automjet 8+1 nuk do të lejohet të transportojë qytetarë nga njëri qark në tjetrin. Siç sqarohet nga Ministria e Transporteve, transporti i qytetarëve do të bëhet vetëm me autobusë.
Bujar Kotri nga sektori i transportit rrugor, tha se janë mbi 330 linja të organizuara në një mënyrë të tillë që të përballojnë të gjithë fluksin e udhëtimeve nga njëri qytet në qytetin tjetër. Do të ketë orare të shpeshta dhe të zgjeruara gjatë kohës për linjat kryesore”, tha ai.
Zyrtari në fjalë sqaroi më tej se ndonëse shoqëritë e autobusëve do të licensohen nga Ministria e Transporteve, bashkitë duhet të përcaktojnë vendqëndrimin e autobusëve e ca kritere të tjera
“Të gjithë autobusët e ketyre shoqërive do të kenë në dispozicion jo më pak se 19 vende. Liçencat e shoqërive të transportit që do të operojnë do të jepen nga Ministria e Transportit. Çdo bashki do të ketë një shoqëri, e cila do të krijohet si bashkim i shoqërive ekzistuese që punojnë sot në këto linja”, shpjegoi Kotri.
Më shumë se dy vite më parë, qeveria tentoitë ndërmarrë një reformë në ransportin e udhëtarëve duke u thënë stop furgonave, por që e la në mes. /tesheshi.com/
