Futbollisti argjentinas Gonzalo Higuain shpalli të hënën se po i thotë lamtumirë futbollit në fund të këtij sezoni.
Në një konferencë për shtyp ku morën pjesë bashkëlojtarët dhe familja e tij, Higuain njoftoi me lot në sy se do të tërhiqet nga futbolli profesionist pas përfundimit të sezonit aktual në MLS amerikane.
“Pas 17 vitesh, tani është koha për të thënë lamtumirë. Misioni më i rëndësishëm për mua ka qenë gjithmonë të mos dorëzohem kurrë. Tani mund të tërhiqem siç e kam ëndërruar gjithmonë, pasi kam shënuar gola dhe kam shijuar këtë lojë”, tha 34-vjeçari, sulmues i vjetër argjentinas.
Higuain’s tearful farewell 👏 pic.twitter.com/py2RwJPHMM
— Italian Football News 🇮🇹 (@footitalia1) October 3, 2022
Higuain e filloi karrierën e tij në River Plate të Argjentinës, dhe më vonë luajti për klube të mëdha evropiane si Chelsea, Real Madrid, AC Milan, Juventus dhe Napoli.
Argjentinasi është që nga viti 2020 te amerikani Inter Miami, në të cilin ka shënuar 27 gola në 65 ndeshje.
Gjatë karrierës së tij 17-vjeçare futbollistike, ai shënoi 333 gola në 707 ndeshje zyrtare.
Ai luajti 75 herë për kombëtaren argjentinase dhe shënoi 31 gola. /tesheshi.com/
