Forcat e regjimit sirian të Bashar al-Assadit kanë ndihmuar terroristët e PYD/PKK në Halep që të dërgojnë armë në qytetin veriperëndimor të Afrin, ku Turqia filloi një operacion të shtunën.
Sipas informacioneve të marra nga Anadolu prej burimeve lokale të besueshme, organizata filloi të përdorë rrugët Nubl dhe Al-Zahra që lidhin qendrën e Halepit me Afrinin, mundësuar nga regjimi, me qëllim dërgimin e përforcimeve.
Një numër i panjohur i terroristëve PYD/PKK në automjetet e ngarkuara me municione kanë shkuar drejt Afrinit, shtuan burimet me kusht anonimiteti.
Shtabi i Përgjithshëm turk konfirmoi të shtunën se ka filluar operacioni në Afrin.
Deklarata tha se operacioni do të marrë parasysh gjithashtu ndjeshmërinë dhe nuk do të dëmtohet asnjë person civil apo i pafajshëm.
PYD/PKK është dega siriane e grupit PKK, i cili është emëruar një organizatë terroriste nga Turqia, SHBA dhe BE.
Që nga mesi i viteve 1980, PKK ka zhvilluar një fushatë të gjerë terroriste kundër shtetit turk, në të cilin janë vrarë rreth 40,000 njerëz. /tesheshi.com/
