Drejtueset gra janë më të afta të merren me krizën e shkaktuar nga pandemia e virusit koronar, tha drejtoresha e Bankës Qendrore Evropiane (ECB) Christine Lagarde, duke vlerësuar komunikimin dhe përkushtimin e tyre të sinqertë.
“Unë do të jem jashtëzakonisht e njëanshme. Jo si një bankiere qendrore, por siç jam unë, kam mësuar që gratë zakonisht e bëjnë një punë më mirë,” deklaroi ajo.
Lagarde, e cila është presidentia e parë i ECB, veçoi kancelaren gjermane Angela Merkel, duke përmendur qasjen e saj të bazuar shkencërisht si një shembull se si shpjegimet “shumë të ndershme, transparente” të koronavirusit dhe normave të infeksionit kanë ndihmuar publikun të kuptojë se pse mbyllja sociale, distancimi e maskat janë të nevojshme.
Gratë udhëheqëse të Tajvanit, Belgjikës dhe Zelandës së Re gjithashtu “mbajtën barrën e lajmeve të këqija, si dhe atë të shpjegimeve të qarta dhe rekomandimeve të forta,” shtoi ajo.
Gjermania e përballuar krizën më mirë sesa shumë nga fqinjët e saj evropianë, ndërsa Tajvani dhe Zelanda e Re shihen si shembuj të suksesit në luftimin e pandemisë.
Në të kundërt, vëzhguesit vunë në dukje se liderët meshkuj, populistë, si Presidenti i SHBA Donald Trump, ai brazilian Jair Bolsonar, si dhe kryeministri britanik Boris Johnson, kishin probleme për të parandaluar shpërthimet në vendet e tyre, shkruan Guardian.
Ish-ministrja francezee Financave tha se lidership do të thotë të jesh i përgjegjshëm dhe i kujdesshëm.
“Unë mendoj se dimensioni ‘i kujdesshëm’ është diçka që gratë udhëheqëse kanë qenë në gjendje ta shprehin mirë. Dhe që publku ndoshta e kanë parë atë të besueshëm,” tha Lagarde. /tesheshi.com/
