Mesushori shqiptar, Shkëlzen Gashi rikthehet sërish në orbitën e Lacios. “Lalaziosiamonoi.it” raporton se drejtori i ekipit, Igli Tare ka nisur negociatat me klubin zvicerian të Bazelit për të transferuar goleadorin në kryeqytetin italian.
Kontaktet mes palëve nisën që gjatë merkatos së verës por nuk u finalizuan me sukses. Forma e mirë që Gashi po kalon në muajt e fundi ka zgjuar edhe njëherë interesimin e klubit lacial.
Futbollisti ka pasaportë zviceriane dhe mund të luajë si komunitar, kjo është në favorin e tij pasi Lacios i intereson. Ajo që mund të vështirësojë negociatat mes palëve është se Bazeli mund të kërkojë për Gashin së paku 8 milionë euro.
Gjatë këtij sezoni, Gashi ka shënuar 18 gola në 22 ndeshje të luajtura në kampionat, 1 në Kupën e Zvicrës dhe 1 në UEFA Champions League kundër Ludogorets. /tesheshi.com/
