Vetmia në pushtet, çmenduri, dhunë, pendim dhe vdekje, La Scala e Milanos hap sezonin e operës të mërkurën me kryeveprën “Boris Godunov”, të kompozitorit rus Petrovich Mussorgsky dhe beson se pikërisht tani është momenti i duhur për të vënë në skenë një shëmbëlltyrë për diktaturat e Carëve, raporton AFP.
Ideja e një premierë të operës ruse lindi tre vjet më parë, shumë përpara fillimit të agresionit rus kundër Ukrainës, dhe La Scala vazhdoi me të pavarësisht protestave të konsullit ukrainas në Milano, Andriy Kartish. Diplomati ukrainas mund të ketë pasur frikë nga propaganda ruse, por Opera e Milanos nuk hezitoi aspak.
“Ne nuk po mbrojmë askënd. Po vëmë në skenë një operë që është një kryevepër e historisë së artit”, tha regjisori Dominique Meyer.
Petrovich Musorgrski (1839-1881) kompozoi i “Boris Godunov” bazuar në dramën me të njëjtin emër të Aleksandër Pushkinit, i cili tregon për thellimin e hendekut midis një udhëheqësi autokratik dhe popullit të tij. Opera u censurua vazhdimisht, si gjatë Perandorisë Ruse ashtu edhe gjatë Bashkimit Sovjetik.
Vetmia e pushtetarëve
Drejtori muzikor i La Scala-s, Riccardo Chailly, zgjodhi versionin origjinal për t’i qëndruar besnik frymës së kompozitorit, ndonëse, siç thotë ai, “më i fortë dhe më i vështirë”.
“‘Boris Godunov’ është një kryevepër absolute që befason me modernitetin e saj”, vlerëson Chailly.
Një shfaqje e operës në Teatrin Mariinsky në Shën Petersburg në vitin 2012 trazoi shpirtrat për shkak të krahasimeve midis mbretërimit të Boris Godunov, perandorit rus që sundoi nga viti 1598 deri në 1605, dhe presidentit aktual, Vladimir Putin, i cili u përball me protesta të paprecedentë që vit.
“Dhjetë vjet më vonë, është koha e duhur për të treguar Boris Godunov-in sepse vetë Mussorgsky ishte një artist që luftoi kundër sistemit dhe do të ishte krejtësisht e gabuar të censurosh një operë që demaskon qeverinë,” thotë regjisori Kasper Holten. /tesheshi.com/
