Gaqo Çako, një ndër emrat më të spikatur të intepretimit shqiptar, atij operistik e të këngës së lehtë, ka ndërruar jetë në moshën 83-vjeçare.
Ai i përkiste shkollës ruse të viteve ’60, ku pas studimeve për kanto në Konservatorin “Çajkovski” të Moskës, u kthye në Tiranë për të qenë tenor i përhershëm i Teatrit të Operas dhe Baletit.
Gaqo Çako ishte figurë qendrore e intepretimit operistik, por që u popullarizua si emër në intepretimin e këngës së lehtë në festivale, sidomos me “Gjethen e dafinës” së Limos Dizdarit, një prej krijimeve e gjithashtu intepretimeve më brilante në muzikës së lehtë shqiptare.
Me ikjen e Gaqo Çakos, arti skenik shqiptar humb një tjetër ikonë me vlera epokale. /tesheshi.com/
