Sipas Ministrisë së Punëve të Brendshme të Ukrainës, në shpërthim vdiq kapiteni i anijes luftarake të fundosur Moska.
Mbytja e asaj që konsiderohej krenaria e marinës ruse, “Moskva”, pasohet nga një tjetër lajm “i gëzuar” për ukrainasit. Këta të fundit pretendojnë të kenë vrarë dhe kapitetin e saj, pikërisht në shpërthimin që bëri të mundur dëmtimin e saj deri në fundosje, ardhur nga raketa lundruese Neptun, sipas versionit të Kievit.
Në një deklaratë për Telegram, Anton Gerashchenko, këshilltar i Ministrisë së Punëve të Brendshme të Ukrainës, tha:
“Kapiteni i rangut të parë, komandanti i përgjithshëm i kryqëzorit ‘Moskva’ të Flotës së Detit të Zi, Anton Kuprin, u vra nga një shpërthim në anije”.
Ndërsa Ukraina tha se ushtria e saj goditi me sukses një raketë kryesore të mërkurën, Ministria e Mbrojtjes e Rusisë tha se zjarri i anijes dhe “kushtet e stuhishme të detit” ishin shkaktarë të mbytjes së luftëanijes. /tesheshi.com/
