Klodian Elqeni është 22-vjeçari që me guximin dhe aftësitë e tij sportive arriti të shmangte një tragjedi në sheshin “Skënderbej”.
Ishte ai që ju vërsul një të droguari, i cili u fut me automjet në mesin e njerëzve, pasi kaloi barrierat penguese.
Klodiani tregoi si ndërhyri: “Ishte shumë shpejt, pak sekonda isha në hyrje të sheshit dhe pashë një makinë të aksidentuar që po vinte me një shpejtësi të rrezikshme për qytetarët në shesh.
Ktheu makinën në një moment dhe po sulej njerëzve dhe thashë duhet të ndërhyj se mund të kishim jetë të humbura, e vetmja mënyrë ishte ta hidhje nga dritarja se ndryshe.
Unë jam sportist, jam marrë gjithë jetën me sport. Më vjen mirë që e bëra me sukses”, tha ai. /tesheshi.com/
