Njerëzit që ecin në rrugë duke parë telefonin, apo më keq akoma, që ngasin makinën duke bërë të njëjtën gjë, janë një pamje e zakonshme që fatkeqësisht po shndërrohet në normë.
Kjo ka detyruar autoritetet në Korenë e Jugut, vendi me më shumë telefona celularë në botë, që të marrë masa serioze, madje të shtojë shenjat e qarkullimit rrugor me një kategori të re, atë për përdoruesit e telefonave inteligjentë.
Vetë përdoruesit e tyre thonë se e dinë që është diçka e gabuar të injorosh gjithçka rreth teje dhe të përqendrohesh vetëm tek telefoni, por duket se pa e pësuar, askush nuk ka ndërmend të ndryshojë.
Seuli nuk është qyteti i parë që merr masa të tilla, por pavarësisht tabelave rrugore e deri tek dritat shumëngjyrëshe për të paralajmëruar njerëzit, duket se telefonat celularë janë shndërruar në një varësi të pamposhtur. /tesheshi.com/
