Sipas rezultateve jozyrtare, kandidati konservator dhe ish-kreu i gjyqësorit iranian, Ebrahim Raisi, fitoi zgjedhjet e 13-të presidenciale, duke e bërë atë presidentin e tetë të Iranit.
Megjithëse rezultatet zyrtare të zgjedhjeve të djeshme në Iran, të cilat duhet të shpallen nga Qendra Zgjedhore e Ministrisë së Brendshme, ende priten, sipas të dhënave jozyrtare, ai tashmë ka garantuar fitoren në zgjedhje.
Në një vend me afërsisht 83 milion banorë, 59,310,307 votues kishin të drejtë vote.
Tre kandidatët e tjerë në garë, ish-komandanti i Ushtrisë së Gardës Revolucionare Mohsen Rezaee, deputeti Emir Hussein Kadizade Hashemi dhe ish-Guvernatori i Bankës Qendrore Abdunnaser Himmeti uruan Raisin për fitoren e tij.
Presidenti i tanishëm iranian Hassan Rouhani gjithashtu tha se populli iranian kishte vendosur kush do të ishte president dhe do të dorëzonte detyrën pas 45 ditësh. /tesheshi.com/
