Një çift nga Durhami, por të dy me origjinë nga Malajzia, morën fëmijët e tyre dhe shkuan tek “xhungla e Calais” shtatorin e vitit që shkoi. Shkuan vetëm për të vizituar kampin për më pak se një javë, mirëpo mbetën atje pasi kur panë gjendjen e mjerueshme të kampit vendosën të kontribuonin.
Për një vit ata kanë gatuar dhe servirur ushqim për 1500 refugjatë. Jamal Ismail dhe Sofinee Harun kanë punuar përditë nga mëngjesi deri në mbrëmje të gjithë vitin pa pushuar fare.
Çdo gjë është bërë në mënyrë vullnetare duke mundësuar një shërbim brenda 10 sekondash për çdo kënd që është vënë në radhë për të pritur vaktin e ofruar falas. /tesheshi.com/
